Повреден е параглајдерист во Крушево, со хеликоптер пренесен во болница

Денеска во 18:11 часот на 112 е добиена пријава за тешко повреден германски државјанин, параглајдерист, со отворена скршеница на едната нога и веројатна повреда на р’бетот, кој моментно се наоѓа на полетиштето за параглајдери пред Мечкин Камин во Крушево. Поради сериозноста на повредите од екипата на итната медицинска помош и градоначалникот на Крушево е побаран итен хеликоптерски транспорт, информираа од ЦУК.

„Полицискиот Ми 171, во кој се наоѓам во моментот, итно го пренасочивме кон тешко повреденото лице и моментално сме во непосредна близина на Крушево“ – рече првиот човек на ЦУК, Стојанче Ангелов.