Повик до медиумите во Србија да ги затемнат екраните на годишнината од убиствата во „Рибникар“, Дубона и Мали Орашје

Српското Регулаторно тело за електронски медиуми денеска ги повика давателите на медиумски услуги во Србија да ги затемнат екраните на годишнините од масовните убиства во ОУ „Владислав Рибникар“ и селата Дубона и Мало Орашје, односно да ја прекинат програмата на една минута со текст „3 и 4 мај 2023. Се сеќаваме“.

Регулаторното тело ги повика медиумите да ја прекинат програмата на 3 мај во 08:41 часот и на 4 мај во 22:32 часот.

Тие ги повикаа уредниците, новинарите и другите медиумски работници да придонесат за достоинствено одбележување на првата годишнина од масовното убиство во училиштето „Владислав Рибникар“, почитувајќи ги професионалните и етичките стандарди на новинарството во известувањето.