Милош Илиќ, татко на двегодишната Данка Илиќ, која исчезна во Бањско Поље кај Бор на 26 март, а која според резултатите од истрагата ја убиле работниците во водовод Срѓан Јанковиќ и Дејан Драгијевиќ вели дека тој и мајката на девојчето, како и нивните најблиски роднини, сè уште се со разделени души и срца и се надеваат дека Данка ќе се појави од некаде.
– Јас чувам надеж, односно сите потајно ја чуваме надежта дека малку ќе ни се појави нашето сонце, од некаде. Но, суровите настани, односно реалноста дека толку долго ја нема, секојдневно не уништуваат – вели Милош за српска „Република“.
Со натчовечката сила што му е потребна оди на работа за да заработи пари за егзистенција на своето семејство.
Милош живее нормален живот и е добар татко на тригодишниот син на кој бескрајно му недостасува сестра му, а жена му наскоро треба да се породи.
Нивниот живот е уништен преку ноќ, а работите на Данка секојдневно им се пред очи и не можат да се помират со фактот дека ја нема.
Милош вели дека има одредено мислење за осомничените за убиството на неговата ќерка, но го шокираат со однесувањето што го менуваат во истрагата за делото што првично го признале, а потоа го негирале.
– Зошто некој признал нешто ако не го направил?! Сè уште верувам дека тие двајца направија нешто со мојата мила. Никогаш нема да им простам, додека сум жив – рекол неутешниот татко.
Истрагата за исчезнувањето и убиството на девојчето Данка Илиќ се уште е во тек, а ја води Вишото јавно обвинителство во Зајечар.