Поради снимање на спот улицата „50 дивизија“ ќе биде затворена

Поради снимање видео спот денеска, од 7:00 до 13:00 часот, улицата „50 дивизија“ ќе биде затворена за сообраќај.

-Министерството за внатрешни работи ќе преземе мерки за посебен режим на сообраќајот на улицата „50 дивизија“ во Скопје, односно сообраќајот ќе се пренасочува по околните сообраќајници, велат од МВР.

Оттаму апелираат граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.