Поплави во Германија: Железничкиот сообраќај меѓу Берлин и Минхен е во прекин, загина пожарникар

Железничкиот сообраќај меѓу Берлин и Минхен, како и меѓу Штутгарт и Франкфурт е во прекин поради поплавите што ја погодија Германија, објави Дојче Бан.

Компанијата ги повика граѓаните да ги одложат сите несуштински патувања, пренесува Тагешау.

Во југозападниот округ Шварцвалд-Баар се активирани неколку одрони, а во градот Милхаузен неколку лица се спасени од водата чија висина достигнала 1,8 метри.

Во околината на Штутгарт, во окрузите Ремс-Мур и Лудвигсбург, поради поплави затворени се градинките и училиштата.

Пожарникар загина ноќта меѓу саботата и неделата за време на спасувачка операција поради поплавите во градот Пфафенхофен ан дер Илм во Горна Баварија, кога се превртел чамецот во кој се наоѓал со тројца колеги.