Поплавени подруми и куќи во Тетово – барање да се исклучи струјата во градот, има опасност од струен удар

Командирот на Територијалната противпожарна единица во Тетово бара да биде исклучена струјата во целиот град по невремето.

Според него, ризикот од струен удар по граѓаните и пожарникарите е многу висок поради тоа што се поплавени подрумските простории на повеќе куќи и објекти, информираше директорот на Центарот за управување со кризи, Стојанче Ангелов.

На телефонскиот број 112 стигнале неколку пријави од граѓани за поплавени подруми.

Во моментов се воспоставува контакт со ЕВН.

Невремето што попладнево го зафати Тетово беше проследено со интензивни врнежи од дожд и на места град со големина на орев.

Сообраќаен метеж е забележан на повеќе места во градот.