Времето денеска се очекува да биде претпладне сончево со мала до умерена облачност, а од пладне и во вечерните часови на повеќе места ќе биде нестабилно со пороен дожд, грмежи и засилен ветер.
Според прогнозата на УХМР, локално процесите ќе бидат поинтензивни во форма на невреме проследени со обилен пороен дожд за кратко време, електрични празнења, силен ветер (над 60 км/час) и изолирана појава на град.
Утринските температури се движат од 13 степени во планинските места, до 19 степени на југоистокот од земјата. Максималните температури ќе бидат во интервалот од 25 до 34 степени.
И во Скопската котлина претпладне ќе биде сончево со умерена облачност, а попладне и во вечерните часови нестабилно со пороен дожд, грмежи и засилен ветер.
Во делови од котлината ќе има услови за појава на невреме со интензивен пороен дожд, грмежи, силен ветер и услови за појава на град.
Максималната температура ќе достигне до 31 степен.