Полициски службеник возел нерегистрирано возило со одјавени таблици

Полицискиот службеник М.С. заврши зад решетки поради постоење на основано сомнение дека е сторител на кривични дела „фалсификување исправа“, „употреба на исправа со невистинита содржина“  и „давање лажен исказ“.

Како што соопшти МВР,  полицискиот службеник откако набавил возило од странство без да ги подмири давачките за увоз на возилото, прикачил регистерски таблички кои претходно ги одјавил со дадена писмена изјава дека му се украдени и таквото возило подолго време го управувал во сообраќај нерегистрирано.

По документирање на случајот, до обвинителството поднесена е кривична пријава против полицискиот службеник и тој е суспендиран, а поведена е постапка за утврдување на дисциплинска одговорност.