Полицијата во Париз застрела жена, се заканувала дека ќе детонира бомба

Полицијата во главниот град на Франција отворила оган и тешко ранила жена која упатила закани на железничка станица во Париз, изјави полициски извор за француските медиуми.

Очевидци раскажуваат дека жената, која била целосно прекриена, извикувала „Алаху акбар“ („Бог е најголем“) и се заканувала дека ќе детонира бомба, изјави изворот, пренесува францускиот портал „Локал“.

Според изворот, „полицијата пукала затоа што се плашеле за својата безбедност“.

Жената е тешко ранета во стомак и е во критична здравствена состојба.

Полицијата не пронашла никаква експлозивна направа кај неа.