Хрватската полиција завчера наутро изврши рација во средно училиште во Вараждин. Учениците биле изненадени кога полицијата влегла во училницата за време на наставата и побарала тројца нивни другари (16, 17 и 18 години) да дојдат со нив.
Полицајците од СВР Вараждин ги однеле во друга просторија, каде веќе биле нивните родители и адвокатите. Тројцата се осомничени дека конзумирале дрога на часови, а наводно конзумирале амфетамини.
Како што информираа од полицијата, 18-годишникот доброволно им предал на полициски службеници проѕирна кеса во која имало бела прашкаста гумена материја слична на дрога амфетамин со тежина од 1,4 грама, една бела гумена материја слична на дрога амфетамин со тежина од 6,7 грама, дигитална прецизна вага и мобилен телефон, кои, според полициските службеници, му биле одземени, пишува Telegram.hr.
По наредба на Општинскиот суд во Вараждин, полициски службеници извршиле претрес и во станот и другите простории што ги користел шеснаесетгодишникот, кој пред претресот доброволно им предал суво зелено гранче слично на гранка од растението индиски коноп, проѕирна кеса во која има исушена зелена растителна материја – слична на марихуана со вкупна тежина од 1,8 грама и еден мобилен уред.
Полициски службеници извршиле претрес во станот и другите простории што ги користел седумнаесетгодишникот, кој пред претресот доброволно предал кеса во која имало бела прашкаста материја која наликува на дрога амфетамин со вкупна тежина од 0,5 грама и мобилен уред.
Целиот одземен материјал ќе биде испратен на вештачење, а сторителите ќе одговараат за прекршоци, информираат од полицијата.
