Полицијата уапси двајца млади велешани кои ограбиле обложувалница

МВР информира дека денеска околу 8.30 часот полициски службеници од Полициската станица за безбедноста на патниот сообраќај при СВР-Велес, ги лишиле од слобода М.Г. (25) и О.Т.(32), двајцата од Велес, постапувајќи по претходно добиена пријава дека утрото околу 08 часот извршиле разбојништво во спортска обложувалница и со употреба на сила врз вработената, одзеле пари.

По кратко време, лицата се пронајдени и приведени во полициска станица.

Известен е јавен обвинител и по документирање на случајот, против нив ќе биде поднесена соодветна пријава.