Малолетничка за која нејзината мајка во средта пријавила дека ја нема дома, полицијата ја нашла во скопската населба Злокуќани, соопшти Министерството за внатрешни работи.
„Вчера околу 11.30 часот во Полициска станица Карпош е пријавено дека во населба Злокуќани од полициски службеници е пронајдена Ј.Ф.Д.(13) од Скопје која на 14-ти овој месец во Полициската станица Бит Пазар била пријавена од нејзината мајка Е.Д.(34) од Скопје дека се оддалечила од дома“, соопшти МВР.
Полицијата пак трага по друг малолетник, за кого вчера било пријавено од Јавна установа за згрижување деца дека не се вратил во установата.
„Вчера во 14 часот во Полициска станица Карпош е пријавено дека од Јавна установа за згрижување деца се оддалечил нивниот штитеник Д.Д.(16) од Скопје, кој и претходно се оддалечувал од установата и бил враќан назад. Се преземаат мерки за пронаоѓање на лицето“, соопшти МВР.