Полицијата кај Кумановец најде оружје и дрога

Министерството за внатрешни работи соопшти дека денес е упасен жител на Куманово за недозволена трговија со оружје и дрога.

„Денеска во 11.30 часот полициски службеници од Отсекот за недозволена трговија и оружје и Отсекот за општ криминалитет при СВР Куманово го лишиле од слобода А.Љ.(27) од Куманово. При претрес во неговиот дом извршен по судска наредба биле пронајдени марихуана, таблети, амфетамин, дробилка, дигитална вага и поголема сума на пари во различни валути и апоени. Додека, при преглед на неговото возило „мерцедес“ биле пронајдени предмети кои потекнуваат од кривично дело“, соопшти МВР.

Од полицијата велат дека А.Љ. бил приведен во полициска станица и по целосно документирање на случајот против него ќе следува соодветна пријава.