Полицијата го бара човекот кој утрово падна во Дојранското Езеро

Министерството за внатрешни работи соопшти дека се трага по 42 годишен маж од Штип, кој утрово паднал во водите на Дојранското Езеро.

„На 13.08.2023 во СВР Струмица е пријавено дека околу 11.30 часот во Дојран, едно лице од педалинка влегло во водите на Дојранското Езеро, но набрзо потонало. Полициски службеници од СВР Струмица излегле на местото на несреќата при што било утврдено дека станува збор за 42-годишник од Штип. Нуркачки тим од САЕ „Тигар“ презема мерки за пронаоѓање и извлекување на телото“, соопшти МВР.