Полицијата ги пронајде планинарите кои се изгубија во тетовско

Синоќа по 22 часот полициски службеници од СВР Тетово во добра здравствена состојба ги пронајдоа 12-те планинари кои се изгубија над тетовското село Пршовце.

За исчезнувањето на планинарите од с.Боговиње, с.Лисец, с.Раковец, с.Пршовце и Тетово, во 21.30 часот пријавил А.Р. од тетовско Боговиње откако не можел да стапи во контакт со нив.

Имено, во текот на денот тие заминале во планината над село Пршовце за да одат до место викано ,,Доброшки езера“, а последната локација од каде контактирале била кога се наоѓале кај „Три Чешми“ во близина на границата со Косово.

Лицата биле пренесени во Клиничката болница Тетово на преглед.