Полиција влегла во Судски совет – членови се сомневале дека некој им претура по канцеларии

Полициски инспектори минатата недела ги проверувале безбедносните камери во Судскиот совет откако еден од членовите се посомневал дека некој му влегува во канцеларија додека не е на работа.

-На работен колегиум дискутиравме со тоа дека имало индивидуални видувања на некој од колегите за сомнежи со влегување во канцеларија. По дискусија на колегиум донесовме заедничка одлука на Советот таквите сомнежи да ги испитаме. Не гледам проблем во ситуацијата, не се криеме од состојбата. Редно е тоа да се испита. Мислам дека е целисходно да го испитаме тоа. Почнато е да се работи во тој дел, изјави денеска претседателот на Советот, Сашко Георгиев.

Ваква прверка во Судскиот совет имало во петокот, но не се сооштува дали е нешто откриено.