Полицаец повреден во сообраќајна несреќа во Скопје

Повреден полициски службеник во сообраќајна несреќа што се случила вчера на крстосницата од ул.„Љубљанска“ со бул. „Илинден“ во Скопје.

според информациите од МВР, несреќата се случила помеѓу патничко возило „фолксваген голф“ со скопски регистарски ознаки, управувано од Р.Б.(43) од Скопје и патничко возило „мерцедес“, сопственост на МВР.

Во незгодата полицискиот службеник, кој го управувал службеното возило се здобил со телесни повреди, констатирани во Градската општа болница „8 Септември“.

Увид извршила од екипа од СВР Скопје.