Премиерот Зоран Заев и неговата сопруга Зорица беа почесни гости на канцеларот Себастијан Курц на далеку познатиот Виенски оперски бал. Тие беа сместени во ВИП ложата веднаш до Курц и неговата партнерка, од каде го проследија настанот кој традиционално се одржува околу 200 години.
https://www.youtube.com/watch?v=To_-jV9YUiM&fbclid=IwAR2a5xFJreBjk5lz6bUtOuqSe9svKM86L1gOGGFc33S8WRcBpGiK9VV7SgM
Со долга свечена црна тоалета, со ракави од чипка и препознатливиот кармин во огнено- црвена боја, Заева го привлече вниманието на фоторепортерите.
Премиерот пак, се одлучил максимално да го испочитува настанот, и се појави во црн фрак, кој е најсоодветен за пригоди од овој тип, бела кошула и бела сатенска машна – пеперутка.
Оперскиот бал секоја година привлекува звучни имиња од сите општествени области. Познати политичари, Холивудски актери, хуманисти и музичари се дел од спектаклот каде присутните уживаат во гала концерт со оркестар и балет.
Влезниците за Виенскиот оперски бал годинава се продаваа по цени од 315, па се до 2.000 евра во ложите.
Една од ВИП гостите, која го привлече вниманието на јавноста на настанот синоќа беше и Кончита Вурст, пејачката која на Австрија и ја донесе победата на Евровизија во 2014 година. Вурст се стекна со интернационално внимание по победата со песната “Rise Like a Phoenix” и остана запаметена како пејачката со брада. Имено, вистинското име на Кончита е Том, но кога настапува како Кончита, бара да се збори за неа во женски род. Минатата година јавно раскажа дека со години наназад е ХИВ позитивна.
За тамошните медиуми пејачката изјави дека на балот дошла на покана на министерот за правда, Јосеф Мосер. Се појави во свечена бела тоалета која ја следи линијата на силуетата, со длабоко деколте.
Виенскиот оперски бал е манифестација каде дрес кодот наметнува почитување на балскиот изглед, со гламурозна нота и елеганција. Голем број од гостите за својот изглед соработуваат со познати светски стилисти и дизајнери.
Вики Клинчарова