Погоден е бегалскиот камп во Џебалија на северот на Газа, а се стравува дека има голем број загинати. Хамас веднаш ги обвини израелските сили за нападот, а официјален Израел соопшти дека случајот се истражува.
Хамас, без конкретни докази, тврди дека израелски проектили погодиле станбени згради во кои се наоѓа кампот. Велат дека на тој простор паднале шест бомби.
Има спротивставени информации за бројот на жртвите. Некои медиуми објавија дека загинале неколку лица, додека директорот на индонезиската болница во Газа за „Скај њуз“ тврди дека „стотици се убиени и ранети“.
The entire neighborhood bombed to the ground just like that, it was filled with people.#Jabalia_massacre pic.twitter.com/6gHw3Q67N5
— Mahmoud Hossam Eldeen (@mahmoud97hossam) October 31, 2023
На социјалните мрежи кружат фотографии и видеа, наводно направени во реонот на уништениот камп.
Хамас неодамна го обвини Израел дека целел на болница во Газа, што Израел го демантираше, посочувајќи дека се вели дека проектилот што ја погодил болницата потекнува од самата Газа и дека проектилот бил истрелан од Исламски џихад, што групата го негираше.
Ставот дека болницата не е погодена од израелски проектили го делат и бројни западни разузнавачки служби.