Европското фудбалско првенство, 17-то по ред, започнува во Минхен со натпреварот меѓу Германија и Шкотска, кој се игра вечерва од 21 часот и ќе трае до 14 јули, за кога е планирано финалето на Олимпискиот стадион во Берлин.
Италија е бранител на титулата. Во претходното издание ја победија Англија во финалето по изведување пенали.
На турнирот ќе учествуваат 24 екипи поделени во шест групи. Ќе се одиграат вкупно 51 натпревар.
⚽ Група А: Германија, Шкотска, Унгарија, Швајцарија
⚽ Група Б: Шпанија, Хрватска, Италија, Албанија
⚽ Група Ц: Словенија, Данска, Србија, Англија
⚽ Група Д: Полска, Холандија, Австрија, Франција
⚽ Група Е: Белгија, Словачка, Романија, Украина
⚽ Група Ф: Турција, Грузија, Португалија, Чешка
Грузија е единствената репрезентација која ќе дебитира на ЕП, додека Украина и Полска се пласираа во плеј-офот.
Двете првопласирани од секоја група заедно со четирите најдобри третопласирани селекции ќе се пласираат во осминафиналето. Следуваат четвртфиналето, полуфиналето и финалето.
Победникот на ЕП 2024 ќе се бори со шампионот на Јужна Америка во 2025 година.
Од репрезентациите од регионот прва на терен ќе излезе Хрватска која во сабота ќе игра против Шпанија од 18 часот.
Словенија во недела од 18 часот игра против Данска, а истиот ден од 21 часот Србија ќе игра против Англија.
Меѓу првите фаворити се Франција, Германија, Англија, Португалија и Шпанија.
Португалија е единствената селекција која ги добила сите свои натпревари во текот на квалификациската фаза, додека Франција и Англија биле непоразени, а Шпанија загубила само еден натпревар.
Германија исто така важи за еден од домашните фаворити и покрај тоа што имаше разочарувачки настап на Светското првенство во 2022 година.
Наградниот фонд е непроменет во однос на претходниот континентален турнир, а УЕФА распределува вкупно 331 милион евра.
Секоја репрезентација само со пласман на еврото ќе заработи по 9,25 милиони евра.
Максималната сума што може да ја заработи европскиот шампион доколку ги оствари сите три победи во групата е 28,25 милиони евра.