Во ЈЗУ Општа болница Велес вчера бил донесен маж на 60-годишна возраст без знаци на живот, кој бил искасан од оси на работното место во населба Рачани.
Реанимацијата била безуспешна, а настанот се случил околу 11 часот. Уште кога пристигнала екипата на итната медицинска помош, човекот бил во кома.
Речиси истовремено, и 30-годишен маж од Велес бил искасан од оси, но по укажаната лекарска помош неговата состојба била добра и бил испратен на домашно лекување.
Освен настанот во Велес, вчера и во Неготино јавноста се вознемири од случајот со маж на возраст од околу 25 – 30 години, кој беше пронајден починат кај градската депонија Дуброво.
Станува збор за мигрант, чие тело е предадено на обдукција, но според првичните информации, мажот бил каснат од отровна змија.
Тој веднаш побарал помош од хуманитарна организација и ја оставил точната локација. Неговото безживотно тело, без знаци на насилство било пронајдено завчера во 22 часот од страна на полициски службеници од Полициската станица за граничен надзор Михајлово.
Вики Клинчарова
