Почина поранешниот претседател на САД Џими Картер

На 100-годишна возраст почина поранешниот американски претседател Џими Картер, речиси две години откако објави дека своите последни денови ќе ги помине во палијативна нега.

Демократот и поранешен земјоделец на кикирики, кој служеше еден мандат во Белата куќа и го посвети остатокот од својот живот на хуманитарна работа, реши да го прекине понатамошното лекување во февруари по серијата хоспитализации.

Добитникот на Нобеловата награда за мир последните месеци ги помина во Плејнс, Џорџија. Покрај него беше неговата сакана сопруга Розалин, со која беше во брак 77 години, до нејзината смрт на 19 ноември 2023 година на 96-годишна возраст.

Картер беше претседател на САД од 1977 до 1981 година.