Таравари: Почина еден од патниците во превртениот автобус кај Велес

Министерот за здравство Арбен Таравари на својот фејсбук профил објави дека е едно од патниците во превртениот автобус кај Велес починал и колку повредени во кои се болници се хоспитализирани.Неговото соопштение ви го пренесуваме во целост:

Во врска со хоспитализираните лица во сообраќајката на патот Скопје- Велес информираме:

1. На Универзитетската клиника за хируршки болести Св. Наум Охридски се примени шест лица од кои само еден повозрасен маж е на интензивна нега, но е во стабилна состојба. Сите други пациенти се надвор од животна опасност.
   2. Во Општа болница Велес се примени четири пациенти и сите се надвор од животна опасност.
   3. Во клиничкиот центар Мајка Тереза донесени се вкупно 17 пациенти од кои четири на КАРИЛ- еден пациент е внесен со абдоминално крварење, еден со торакална сериозна повреда и двајца со торакални повреди.
   За жал, еден од повредените им подлегна на повредите.
   – Еден пациент на Детска хирургија, внесен итно на операција;
   – Двајца пациенти на Неврохирургија, примени на обсервација;
   – Седум на ортопедија, примена на обсервација;
   – Тројца повредени се во моментов на обсервација во Ургентниот хируршки центар.
   4. Во Градската болница „8 Септември“ примен е само еден пациент со сериозни повреди, меѓутоа е во стабилна состојба и надвор од животна опасност.

Министерството за здравство упатува сочувство до семејството на починатото лице и им посакува брзо опоравување на повредените.