Почина бебе во охридската болница

Едногодишно бебе почина денес во охридската болница.

Според информациите од СВР Охрид, бебето, утрово, во 7.44 часот, било донесено во тешка здравствена состојба, а по реанимацијата, констатирана е смрт.

Како што се наведува, состојбата на бебето е резултат на претходни заболувања и нема траги на насилство.

За настанот е информиран јавен обвинител по чија наредба телото му е предадено на семејството.