Почина 56-годишник од Пехчево, врз него паднало дрво

МВР информира дека вчера во Полициската канцеларија Пехчево пријавено е дека околу 11.20 часот на место викано „Голем Требомир“, атар на Пехчево, врз С.Ц.(56) од Пехчево, вработен во Шумско стопанство Пехчево, за време на извршување на работни задачи, паднало буково стебло.

Од здобиените повреди тој починал на местото, а смрт констатирал лекар од Итната медицинска помош Пехчево.

Увид на местото извршила увидна екипа на ОВР Берово.