Почина 17-годишното момче од Волково кое на 16 јануари годинава качено на вагон-цистерна доживеа струен удар.
– За жал и покрај максималните напори на медицинските тимови, животот го загуби 17-годишниот пациент со изгореници и тешки телесни повреди – информираа од КАРИЛ.
Пациентот бил третиран од специјалисти од пластична и торакална хирургија во единицата за интензивно лекување, земајќи ги предвид резултатите од сите испитувања, параметрите и неговата исклучително тешка здравствена состојба.
На пруга во општина Кисела Вода, момчето било качено на цистерна-вагон кога доживеало струен удар.
Од Министерството за внатрешни работи за случајот појаснија дека цистерната се запалила, а момчето со возило на Итна помош било пренесено во Ургентниот центар.