Бојан Јовановски – Боки 13 и Катица Јанева заедно со нивните адвокати денеска во Основниот кривичен суд во Скопје треба да започнат со давање на нивните заврши зборови во случајот „Рекет“.
Јовановски е првообвинет за делата примање награда за противзаконито влијание и за перење пари, а Јанева се товари за злоупотреба на службената положба и овластувања.
По нивните заврши зборови, ќе треба да се закаже уште рочиште за изрекување на пресудата.
На минатото рочиште на 26 мај 2020 своите заврши ги кажа и обвинителката Вилма Русковска која рече дека обвинителството успеало да ја докаже вината на двајцата обвинети преку исказите на сведоците, снимките кои ги предал Орце Камчев и останатите материјали докази.
Судскиот процес пред првостепениот суд во Скопје започна на 3 декември лани. Со Јовановски и Јанева на обвинителна клупа тогаш седна и Зоран Милески – Кичеец за примање наградата за противзаконито влијание, но тој призна вина и веќе наредниот ден доби затворска казна од три години. Неговата пресуда сè уште не е правосилна бидејќи за тоа неа треба да се изјасни и Апелација до каде тој заедно со неговиот адвокат има поднесено жалба за висината на казната.
