По донацијата на лаптопи, Собранието доби и мрежна опрема

Откако за собраниските служби беа донирани 100 лаптопа, Собранието преку донација од Швајцарката Конфедерација, доби и донација за набавка на мрежна опрема – хардвер и софтвер.

Како што информира собраниската прес-служба, потребата за оваа набавка е со цел зголемување на квалитетот на работата на Собранието, особено во делот на можностите за неговата отвореност и транспарентност кон граѓаните.

-Благодарение на нашите пријатели и поддржувачи го трансформираме Собранието за сите наши граѓани да имаат отворена, одговорна и инвентивна законодавна власт, стои во соопштението.

Вредноста на набавката е околу 11,5 милиони денари без пресметано ДДВ, а критериум за додлување на договорот е најдобар однос меѓу цена и квалитет.