Пленковиќ: Дронот беше со експлозив

Хрватскиот премиер Андреј Пленковиќ денеска во Загреб го демантираше генералниот секретар на НАТО, Јенс Столтенберг, кој изјави дека дронот што падна во главниот град на Хрватска немал експлозив.

– Не беше „unarmed“ (невооружена), туку беше со експлозив, изјави Пленковиќ на прес-конференција во Загреб, а како доказ на новинарите им покажа фотографии на кои, како што наведе, се гледаат траги од бомба.

Тој додаде дека сега е познато дека дронот од советско производство, кој се урна во четвртокот вечерта во Загреб, носел експлозив.