Пијан тетовец ја тепал сопругата, а синот го нападнал со секира

Тетовец во текот на вчерашниот ден, пијан, физички ја нападнал сопругата, а кога синот се обидел да ја одбрани мајка си, таткото го нападнал и него со секира.

-На 01.02.2020 во 17.20 часот во СВР Тетово, неговата сопруга и нивниот син, и двајцата од Тетово, пријавиле семејно насилство од страна на Љ.Б. Според пријавеното, тој околу 15.15 часот дошол во семејниот дом во алкохолизирана состојба и физички ја нападнал сопругата, по што синот, во обид да го спречи својот татко, бил нападнат од Љ.Б. со секира. Се преземаат мерки за расчистување на случајот, информираат од МВР.