Петнаесет пожарникари гаснеа пожар во ресторан кај Тафталиџе

Пет возила и 15 пожарникари денеска изгасиле пожар кој избил во ресторан зад Катастар кај Педагошка академија.

Командантот на Противпожарната единица на Град Скопје, Владимир Симоновски, за МИА изјави дека пожарот кај нив е пријавен во 11:20 часот, а изгаснат околу 11:45 часот.

Најверојатно пожарот избувнал од скарата во ресторанот по што биле зафатени оџакот и кровната конструкција. Причинета е материјална штета.