Министерството за внатрешни работи соопшти дека вчера вечер во сообраќајна несреќа на стариот пат Ѓавато-Тополчани пет лица биле повредени.
„Вчера во 20.32 часот во СВР Битола било пријавено дека на стариот пат Ѓавато – Тополчани, кај с.Могила, битолско, се случила сообраќајна несреќа помеѓу патничко возило ‘цитроен’ со битолски регистарски ознаки, управувано од Г.С.(37) од с.Могила и патничко возило ‘опел вектра“’со битолски регистарски ознаки, управувано од Б.Н.(20) од с.Беранци. Во несреќата со тешки телесни повреди се здобил возачот Г.С., а возачот Б.Н., В.С.(56) од с.Могила, сопатник во возилото ‘цитроен’, М.А.(32) и М.Б.(21), двајцата од с.Беранци, сопатници во возилото ‘опел вектра’, се здобиле се телесни повреди констатирани во болницата во Битола“, соопшти МВР.
Од Министерството за внатрешни работи велат дека увид извршила увидна екипа на СВР Битола.