Петличковски не е сменет од претседател на Комисијата за заразни болести

Д-р Александар Петличковски не е сменет од претседател на Комисијата за заразни болести, тој останува и понатаму да ја извршува својата функција, соопшти Министерството за здравство.

„Mинистерството за здравство информира дека д-р Александар Петличковски не е сменет од претседател на Комисијата за заразни болести.

Д-р Петличковски е актуелен претседател на Комисијата којшто останува и понатаму да извршува својата функција како и досега. Истото може да се потврди со соодветна документација“ стои во соопштението.