Пет новозаболени од корона вирус, уште две лица ќе се тестираат повторно

Министерот за здравство Венко Филипче на вечерашната прес конференција соопшти дека денеска има пет нови позивитни пациенти на корона вирусот. Уште двајца пациенти биле позитивни на тестирање во приватната болница Жан Митрев и утре ќе бидат повторно тестирани на Клиниката за инфективни болести.

-Имаме пет нови позитивни пациенти и двајца дијагностицирани во друга установа кои утре треба да бидат потврдени. Со ова бројката на пациенти кои се на Клиниката за инфективни болести е 15. Имаме информација од Жан Митрев дека кај нив се јавиле две лица, земени се материјалите и се позитивни. Тие утре ќе ги тестираме во нашата лабораторија, рече Филипче.

Тројца од новозаболените се од Скопје, а четворица од Дебар.