Полицијата во Оклахома Сити отвори истрага откако пет лица, меѓу кои три деца, загинаа во, како што велат иследниците, четирикратно убиство-самоубиство во семејна куќа.
Пукањето се случило во средата доцна навечер, а полицијата соопшти дека по повик ги пронашла телата на 29-годишна жена и три деца на две, пет и деветгодини, како и телото на 28-годишен маж, на терасата од семејната куќа, за кој се претпоставува дека пукал и е задржан како осомничен за убиството, јавува порталот „Ју-Ес тудеј“.
Полицијата соопшти дека мажот и жената биле во брак, но разделени и дека тој ги убил жената и трите деца пред да се застрела.
„Истрагата е во рана фаза, детективите се обидуваат да го утврдат редоследот на настаните кои довеле до масакрот“, се вели во соопштението на полицијата, пренесува Танјуг.