Пешакот во Кавадарци удрен од млад возач, почина по три часа во болница

Синоќа во 20.55 часот во Полициската станица Кавадарци било пријавено дека на крстосницата од улица „Никола Минчев“ и булевар „Македонија“ во Кавадарци, патничко возило „Тојота ланд крузер“ со велешки регистарски ознаки, управувано од Р.Ј.(21) од Кавадарци, удрило во П.Ч.(83) од Кавадарци.

Како што информираат од СВР Велес, во несреќата со тешки телесни повреди се здобил П.Ч. и бил пренесен во Општа болница Кавадарци, а подоцна и во Комплекс клиники „Мајка Тереза“ во Скопје.

Повредениот пешак по околу три часа од несреќата, односно на 02.03.2022 во 00.05 часот починал.

Бил извршен увид на местото, а по наредба на Јавен обвинител на телото на починатиот ќе биде извршена обдукција.

Вики Клинчарова