Пендаровски: Нема логика сега да се одложат изборите

Претседателот Стево Пендаровски во вечерашното гостување на телевизија Алфа рече дека тој смета дека нема логика сега да се одложуваат закажаните предвремени парламентарни избори.

-Неколку месеци по 12 април влегуваме во термин за редовните избори и не можам да видам која партиска или државна логика би барала тие избори да се поместат. Од она што  го слушам од луѓе од бизнис заедницата, можам да ви кажам дека и онака кога веќе имаме закажано избори тоа е изгубено време, рече Пендаровски.