Пендаровски нема да се сретне со рускиот амбасадор поради ЕУ санкциите

Претседателот Стево Пендаровски нема да се сретне со рускиот амбасадор во Македонија, Сергеј Баздникин бидејќи земјава се приклучила на санкциите на ЕУ и САД кои предвидуваат дека треба дипломатски да ја изолира Руската федерација.

-Нема да се видиме затоа што има една фраза која е содржана во четвртиот пакет санкции на ЕУ и САД. Таму постои формулација дека тие кои се приклучуваат кон санкциите треба и дипломатски да ја изолираат Руската федерација, рече Пендаровски во емисијата „Топ тема“, додавајќи дека не се санкционирани сите руски бизнисмени низ светот, одговарајќи на прашањето што е со рускиот капитал во земјава и дали се предвидува некаква санкции за нив.