Пендаровски, Ковачевски, Османи, Маричиќ и Битиќи се во Њујорк, само Џафери е во земјава

Македонската делегација е во Њујорк, на 78. сесија на Генералното собрание на Обединетите нации.

Освен претседателот Пендаровски и премиерот Ковачевски, во делегацијата се и вицепремиерите Фатмир Битиќи и Бојан Маричиќ, како и шефот на дипломатијата Бујар Османи.

Со Пендаровски во Њујорк заминаа и 10 членови на неговиот кабинет.

Премиерот Ковачевски е придружуван од лица од неговиот кабинет.

Османи во Њујорк е придружуван од петмина вработени во Министерството за надворешни работи.

Од тројцата претставници на државниот врв само собранискиот спикер Џафери е во Македонија.