Пациентите со цистична фиброза ќе се вклучат во работна група за изнаоѓање решение за достапност на лекот

Во Министерството за здравство денес беа примени на разговор претставниците на Асоцијацијата за цистична фиброза, пациенти со цистична фиброза и родители на деца со цистична фиброза, информираат оттаму.

„Целта на дискусијата беше запознавање со процесот со кој М3 веќе активно работи на изнаоѓање сеопфатно решение за овие пациенти. За таа цел е ангажирана работна група која од пред две недели работи на случајот“ се вели во соопштението од Министерството.

Од МЗ појаснуваат дека „претставници од асоцијацијата, исто така, ќе бидат повикани и на состанок со работната група за директно да бидат вклучени и запознаени со предизвиците и чекорите потребни за да се стигне до решение за оваа ранлива категорија“.