Пациент од Кичево заразен со корона починал на пат кон Инфективна во Скопје

Во последните 24 часа починале четири лица заразени со Ковид-19, еден пациент од Скопје, еден од Тетово, еден од Охрид и еден пациент од Кичево, соопштуваат од Министерството за здравство.

На Клиниката за инфективни болести и фебрилни состојби почина пациентка на возраст од 67 години.

Еден пациент на 62 години, кој вчера од Кичево бил донесен во тешка општа состојба во болницата во Битола веднаш бил упатен на Инфективната клиника Скопје, но за време на транспортот починал. Во Општата болница Охрид е починат пациент на 86 годишна возраст, а во тетовската болница починал пациент на возраст од 72 години.