Патник од Етиопија во багажот на аеродромот во Виена шверцувал 90-тина влекачи

Австриските цариници открија околу 90 влекачи внимателно скриени во багажот на патник од Етиопија, соопштија денеска австриските власти.

Вкупната вредност на тие животни на пазарот е околу 47.000 евра

Австриското Министерство за финансии соопшти дека животните биле запленети на 23 мај и дека цариниците биле „згрозени“ кога ги пронашле влекачите.

„Некои од згрчените животни веќе покажуваа знаци на дехидрација, но сите добро се опоравија“, додаде Министерството, кое ги објави фотографиите.

Животните веднаш биле испратени на лекување во зоолошката градина во Виена.

Спасени се вкупно 85 гекони од различни видови, две змии и две скорпии.