Хрватската Државна изборна комисија на својата веб-страница објави дека до 23 часот и 45 минути синоќа биле преброени 83,95 отсто од гласовите на парламентарните избори, пренесува хрватската национална телевизија ХРТ.
На нив гласале 61,26 отсто од гласачите.
Владејачката Хрватска демократска заедница (ХДЗ) освои најмногу гласови на парламентарните избори, но, според излезните анкети, ќе има помалку пратенички места отколку во досегашниот состав на парламентот поради што ќе биде приморана на напорни коалициски преговори.
По пребројаните 83,95 проценти од гласовите, како што соопштиле од хрватското ДИК, партијата Хрватска демократска заедница (ХДЗ) и партнерите освоиле 61 мандат, Социјалдемократска партија (СДП) и партнерите освоиле 42 мандати, Движењето Татковина и партнерите освојуваат 13 мандати. Мост и партнерите ќе имаат 11 мандати. Можеме да бидеме и партнерите за 10 мандати. ИДС и партнери 3 мандати. Независната платформа на Северот освои 2 мандати. Фокус и Република добиваат еден мандат.
Во Хрватска денеска се одржаа 11-те парламентарни избори од прогласувањето на независноста на државата во 1991 година.
