57-годишен параглајдерист од САД се здобил со повреди откако паднал врз автомобил во Охрид, соопштија од МВР. Повредениот Американец со иницијали Д.Ј.Р. бил потоа со возило на итна медицинска помош пренесен во охридската болница.
„МВР денеска соопшти дека вчера во 15,34 часот во СВР Охрид било пријавено дека во с.Љубаништа, охридско паднал параглајдерист. Од страна на полициски службеници од СВР Охрид излезено е на местото на настанот и констатирано е дека во 15,20 часот при слетување на плажата со параглајдер Д.J.Р.(57) од САД, паднал на патничко моторно возило марка „мицибуши“ со скопски регистарски ознаки. Д.Ј.Р. со возило на итна медицинска помош е пренесен во болницата „Св.Еразмо“. Се превземаат мерки за расчистување на случајот“, велат од полицијата.