Папата Франциск повика на почитување на прекинот на огнот во Газа и на зголемување на хуманитарната помош и враќање на заложниците.
„Се надевам… дека (прекинот на огнот) страните веднаш ќе го почитуваат“, рече Папата на крајот од молитвата Ангел Господов, додавајќи дека се надева дека „сите заложници конечно ќе можат да се вратат дома во раце на нивните најблиски“.
„Изразувам благодарност до сите посредници: ова е добро посредничко дело за постигнување мир“, рече Папата.
„Им благодарам на сите партии кои учествуваа во овој важен резултат“, додаде тој, упатувајќи апел: „Се надевам дека партиите веднаш ќе го испочитуваат договореното“.
„Исто така, се надевам дека хуманитарната помош ќе стигне уште побрзо… до луѓето во Газа, кои имаат толку многу итни потреби“, рече папата.
Папата изрази надеж дека политичките власти на Израел и Палестина, со помош на меѓународната заедница, ќе успеат да дојдат до вистинско решение за две држави.
„Израелците и Палестинците имаат потреба од јасни знаци на надеж… Секој може да каже да за дијалогот, да за помирувањето, да за мирот“ рече тој.
Договорот за прекин на огнот меѓу Израел и Хамас во Појасот Газа стапи на сила во неделата, речиси три часа по првично договорениот рок, паузирајќи ја 15-месечната војна која донесе уништување и сеизмички политички промени на Блискиот Исток.