Папата до верниците: Заземете ја страната на мирот во судирот меѓу Хамас и Израел

Папата Франциск изрази жалење за очајната ситуација во Појасот Газа, повикувајќи ги верниците да заземат само една страна во конфликтот меѓу Израел и Хамас – „страната на мирот“.

Тој за време на неговата аудиенција на плоштадот Свети Петар, директно не ја спомена експлозијата во болницата Ал Ахли во Газа, за која Палестинците ја обвинија израелската армија.

Од друга страна, армијата на Израел тврди дека експлозијата била резултат на неуспешна ракета лансирана од палестинскиот исламски Џихад.

Папата повика да се направат сите можни напори за да се избегне хуманитарна катастрофа. Најави дека на 27 октомври во базиликата Свети Петар ќе ја предводи пригодната миса и молитвата за мир.