За да се стави крај на дивоградбите во државата треба да се укине Законот на нивна легализација, вели претседателот на Асоцијацијата на архитекти, Мартин Пановски во интервју за Телма.
-Страшен проблем се дивоградбите при урбаното планирање, бидејќи вие сте планирале нешто, а некој си изградил нешто на своја рака и вие треба таа негова идеја да ја инкорпорирате како урбанисти. Со законот за легализација се врши амнестија на дивоградбите кои подлежат под Кривичен законик. Значи направено е дело кое вие го помилувате, вели тој.
Пановски вели дека Владата треба да почне со едукација на политичарите, бидејќи како што вели, има градоначалници што не разбираат што е тоа урбанистичко планирање.
Пановски предлага таму каде што дивоградбите се уриваат, локалната да ја подржи централната власт, а ако тие не се срушат, ингеренциите од локалната власт да ги превзеде Министерството за транспорт и врски.
Тој смета и дека е потребна дислокација на објектите од проектот „Скопје 2014“ и враќање во првобитен изглед на фасадите.