Пандов нов вд директор на Управа за извршување санкции: Честа да се работи за Македонија е огромна

Владата го назначи Александар Пандов за нов вд директор на Управата за извршување на санкции.

Пандов е дипломиран историчар на Институтот по историја на Универзитетот Св. Кирил и Методиј.

Бил пратеник во македонското Собрание од 1998 до 2002 година. Пандов има работно искуство во приватниот сектор.

Тој на својот Фејсбук профил по назначувањето напиша:

„На денешната седница на Влада избран сум за директор на Управата за извршување санкции. Голема благодараност до премиерот Христијан Мицкоски! Честа да се работи за Македонија е огромна, а јас ветувам дека ќе работам чесно и посветено“.