Пандев со највисока оценка влезе во тимот на колото во Серија А

Двојниот стрелец Горан Пандев во саботниот триумф на Џенова над Наполи од 2:1 се најде во идеалниот тим на 21-то коло во италијанската Серија А.

Капитенот на македонската фудбалска репрезентација со двата гола во воведните 26 минути од натпреварот беше најзаслужен за шестиот триумф сезонава, со што Џенова се искачи екипата на 12 место на табелата со 24 бодови.

Пандев (37), кој сезонава има постигнато вкупно три голови за Џенова. се најде во тимот на колото со највисока оценка.

Тим на 21 коло во Серија А: Перин 8.4, Томијасу 8, Нујтинк 7.6, Бремер 8.1, Хернандез 8.2, Госенс 7.7, Брозовиќ 7.6, Деулофеу 8.1, Пандев 8.8, Ибрахимовиќ 8.7, Бароу 8.8.