Палестинскиот претседател незадоволен дека повторно ќе работи со Нетанјаху

Палестинскиот претседател Махмуд Абас изјави дека мандатарот за состав на нова влада во Израел, Бенјамин Нетанјаху, „не е човек кој верува во мир“ со Палестинците, но дека ќе биде принуден да „има работа со него“.

– Го познавам Нетанјаху, соработувавме многу од 1990-тите и тој не е човек кој верува во мир. Но, немам друг избор освен да имам работа со него, изјави Абас во интервју за египетската информативна мрежа Ал Каиро, пренесоа денеска израелските медиуми.